Аҧсны аҳәынҭқарра Ахадарахьы акандидат О.Аршбеи уи ихаҭыҧуаҩрахь акандидат О.Барцыци ралхратә штаб АҲӘАМҬА.

21.08.2019

Август 21 руха, Гәдоуҭа араион, Мгәыӡырхәа ақыҭан иҟоу Аҧсны аҳәынҭқарра Ахадарахьы акандидат О.Аршбеи уи ихаҭыҧуаҩрахь акандидат О.Барцыци рштаб иеихсит.

Ари ахысра ҵаҵҕәыс иамоу бзианы еилкаауп - Аршба О.Н., Барцыц О.М. ралхратә штаб ахаҭарнакцәа рыршәара иазкуп ҳәа азаҳаҧхьаӡоит.

Арҭ аҽазышәарақәа ҵак рымаӡам. Ҳара иаҳҳәоит, алхратә закуан аҳәаақәа ирҭагӡаны, ҳусура ишацаҳҵо . Ҳақәгәыҕуеит, азинхьчаратә еилазаарақәа, ари ацәгьоура аарҧшразы иахәҭоу ауснагӡатәқәа рыдыркылап ҳәа.

Аҧсны аҳәынҭқарра Ахадарахьы
Акандидат О.Аршбеи, уи ихаҭыҧуаҩрахь
Акандидат О.Барцыци
ралхратә штаб анапхгаҩы
Л.Лакербаиа.
21.08.2019