Гәынба Бадра Зураб-иҧа ибиографиа

Диит 1981 шықәса август 14 рзы Аԥснытәи АССР Аҟәа ақалақь аҿы.

1998 шықәсазы далгеит Аҟәатәи 20-тәи абжьаратә школ, иара убри ашықәс азы дҭалеит Аҧснытәи Аҳәынҭқарратә университет аекономикатә факультет.

1999 шықәсазы диасит Н. И. Вавилов ихьӡ зху Саратовтәи аҳәынҭқарратә ақыҭанхамҩатә университет ахь. Қәҿиарала далгеит 2003 шықәсазы «аҳасабеилыргареи аудити» рзанааҭ ала.

2003 шықәса декабр мза инаркны 2004 шықәса август мзанӡа Урыстәыла Афедерациа Саратов ақалақь ахадара асоциалтә хырхарҭа финансла аиқәыршәара аҟәшеи Афинансқәа рзы аилак аппарати рспециалист хадас аус иуан.

2004-2006 шықәсанӡа Саратов ақалақь ахадара Октиабртәи араион афинанстә ҟәша аҟны еиуеиҧшым амаҵурақәа ааникылон.

2005 шықәсазы ианашьан Урыстәыла Афедерациа амуниципалтә абжьгаҩ еиҵбы з-тәи акласс иаҵанакуа аквалификациатә разриад.

2005 шықәса февраль 7 инаркны 2006 шықәса февраль 3-нӡа Саратовтәи анапхгаратә кадрқәеи ақыҭанхамҩа-ааглыхратә комплекс аспециалистцәеи реиҭазыҟаҵареи рквалификациа аизырҳареи рзы арегионалтә институт аҿы дахысуан аиҭазыҟаҵара «Азинтә еиқәыршәара аиҿкаара» азанааҭ ала.

2007 шықәсазы Н.И. Вавилов ихьӡ зху Саратовтәи аҳәынҭқарратә қыҭанхамҩатә университет аҟны ихьчеит акандидаттә диссертациа «Аекономикеи жәлар рынхамҩа анапхгараҭареи» азанааҭ ала.

2007 шықәса апрель мза инаркны 2007 шықәса иун мзанӡа – Саратов ақалақь ахадара Афинансқәа рзы аилак аналитикатә ҟәша, еилахәу апланҟаҵара асектор аспециалист хада.

2007 шықәса инаркны 2009 шықәсанӡа – Аҧсны Аҳәынҭқарра Аминистрцәа Реилазаара азинтә зҵаарақәа рзы ареферент.

2009 шықәса инаркны 2011 шықәсанӡа – Аҧсны Аҳәынҭқарра акультура аминистр ихаҭыҧуаҩ.

2011 шықәса октиабр мза инаркны 2014 шықәса октиабр мзанӡа – Аҧсны Аҳәынҭқарра акультура аминистр.

2015 шықәса инаркны иахьа уажәраанӡа анаплакратә усеиҿкаара напхгара аиҭоит.

Дҭаацәароуп, ҩыџьа аҧацәа драбуп.