Бжьаниа Аслан Гьаргь-иҧа ибиографиа

Диит 1963 шықәса апрель 6 рзы Очамчыра араион Тамшь ақыҭан, арҵаҩцәа рҭаацәараҿы.

1980 шықәсазы далгеит Тамшьтәи абжьаратә школ, иара убри ашықәсазы дҭалоит Фрунзетәи аполитехникатә институт анџьныр-ргыларатә факультет.

1982 шықәсазы диасит Москватәи автомобилмҩатә институт ашҟа. Қәҿиарала далгеит 1985 шықәсазы.

Иара убри ашықәс азы ддәықәҵан Смоленсктәи аобласт Угрантәи абнааглыхратә нхамҩа акапиталтә ргылара аусбарҭахь. Уаҟа аус иуан 1985-1986 шықәсқәа рзы.

1987 шықәса инаркны 1989 шықәсанӡа аус иуан акомҿареидгыла Очамчыратәи араиком аҿы инструкторс, анаҩсан –аҟәша аиҳабыс.

1991 шықәсазы далгеит СССР Аҳәынҭқарратә шәарҭадара акомитет Иреиҳаӡоу акурсқәа.

1991-1992шш. рзы аус иуан Аԥсны Аҳәынҭқарратә шәарҭадара акомитет аҿы.

1992-1993шш. рзы Аԥсны жәлар Рџьынџьтәылатә еибашьраан амаҵ рзиуан Аԥсны Аҳәынҭқарратә шәарҭадара аусбарҭақәа.

1999 шықәса декабр мзазы Аԥсны Аҳәынҭқарратә шәарҭадара амаҵзураҟынтә ԥхьатәара дышьҭын.

1999 шықәсазы далгеит Урыстәыла Афедерациа Аиҳабыра рҟны иаҧҵоу жәлар рынхамҩа Академиа.

1999 шықәса декабр мза инаркны 2008 шықәса декабр мзанӡа Урыстәыла Афедерациаҿы анаплакратә усеиҿкаара даҿын.

2009 шықәсазы Урыстәыла иҟоу Аҧсны Аҳәынҭқарра Ацҳаражәҳәарҭаҿы аекономикатә зҵаарақәа рзы абжьгаҩыс дыҟан.

2010 шықәса февраль мзазы Аҧсны Аҳәынҭқарра Ахада С.У. Багаҧшь иусҧҟала Аҧсны Аҳәынҭқарра ашәарҭадаратә маҵзура ахантәаҩыс дҟаҵан.

2014 шықәса маи мзазы Аҧсны Аҳәынҭқарра Ахада А.З. Анқәаб иусҧҟала аинрал-маиор ҳәа ахьӡ ҳаракы ихҵан.

2014 шықәса иун мзазы Урыстәыла Афедерациа Ахада В.В. Путин иусҧҟала Шәача ақалақь аҿы имҩаҧысуаз аӡынтәи Аолимпиатә хәмаррақәа разыҟаҵареи, рымҩаҧгареи ршәарҭадара аиҿкаараҿы илагалазы ианашьан Аиҩызара аорден.

2014 шықәса август мзазы имҩаҧгаз изаамҭаным алхрақәа раан Аҧсны Аҳәынҭқарра Ахадарахьы кандидатс дыҟан, 35% инареиҳаны алхыҩцәа рыбжьқәа иоуит.

2015 шықәса апрель мза инаркны асоциал-економикатәи аполитикатәи ҭҵаарақәа рфонд «Аҧра» апрезидентс дыҟоуп.

2015 шықәса иуль мза инаркны Аԥсны Аҳәынҭқарра аоппозициатә мчрақәа реидгыла дацхантәаҩуп.

2017 шықәса март мзазы Аԥсны Аҳәынҭқарра Жәлар Реизара – Апарламент VI ааҧхьара (2017-2022) адепутатс далхын.

Дҭаацәароуп, аҧеи аҧҳаи драбуп.