Аԥсны Аҳәынҭқарра Ахадарахьы акандидат Аршба Олег Нури-иԥа

Диит 1964 шықәсазы ақ. Тҟәарчал Аԥснытәи АССР.

1981 шықәсазы далгеит Тҟәарчалтәи абжьаратә школ №1.

1981–1984 шықәсқәа рзы – Аԥснытәи Аҳәынҭқарратә университет афилологиатә факультет атәым бызшәақәа рыҟәша астудент.

1984–1986 шықәсқәа рзы аррамаҵзура дахысуан. 1986 шықәсазы аҵара иациҵеит, далгеит 1988 шықәсазы, «арҵаҩы, аиҭагаҩ-ареферент» изанааҭ ала.

1988–1989 шықәсқәа рзы – Тҟәарчалтәи абжьаратә школқәа №1, №4 рҟны англыз бызшәа арҵаҩы.

1989–1991 шықәсқәа рзы – ақ. Тҟәарчал азауад «Зариа» акомҿар еидгыла акомитет зыхиақәиҭу амаӡаныҟәгаҩ.

1991–1992 шықәсқәа рзы – ақ. Тҟәарчал азауад «Радуга» аконструктортә биуро аҟәша аиҳабы.

Август 14, 1992 шықәсазы Тҟәарчалтәи аибашьцәа ргәыԥ далалеит: аштаб аофицерс дыҟан, 3-тәи аполк 1-тәи абаталион аштаб деиҳабын, иара убри абаталион командирс даман, Мрагыларатәи афронт 3-тәи аполк аштаб аиҳабы ихаҭыԥуаҩыс дыҟан. Аибашьраҿы дхәын.

1994 шықәсазы Аԥсны Аҳәынҭқарра Атәылахьчара аминистрра аҟнытә Аҳәынҭқарратә шәарҭадаратә еиҿкаарақәа рахь диаган.

2001 шықәсазы ихҵан арратә хьӡы - «аполковник».

2006–2008 шықәсқәа рзы – Аԥсны Арбџьармчқәа аԥшыхәратә усбарҭа аштаб хада аиҳабы.

2008 –2011 шықәсқәа рзы – Аԥсны Атәылахьчара аминистрра акадрқәа рыҟәша аиҳабы.

2011 шықәсазы – Аԥсны Арбџьармчқәа рштаб хада аиҳабы ихаҭыԥуаҩ.

2012 шықәсазы – Аԥсны Адәныҟатәи аусқәа рминистр ихаҭыԥуаҩ.

2013 шықәсазы «Иҷыдоу азинмчы змоу ацҳаражәҳәаҩ» ҳәа адипломатиатә хьӡы ихҵан.

2018 шықәсазы – Аԥсны Адәныҟатәи аусқәа рминистрра иҷыдоу анапынҵақәа рзы ацҳаражәҳәаҩ.

Иара убри ашықәс азы Аԥсны Атәылахьчара аминистр иабжьгаҩыс аусура далагеит.

Иԥшәмаԥҳәыс – Коӷониа Аида Витали-иԥҳа. Иԥҳацәа иит 1997, 2005 шықәсқәа рзы.

Иусура.